Nun ye necesario dir mui lloñe pa buscar referentes femeninos. Aida Lafuente, Margarita Salas, Corín Tellado, les cigarreres de Cimavilla, Xosefa Xovellanos, la Busdonga o Rosa Fernández son dellos de los nomes que formen esta escoyeta de muyeres y colectivos que n’Asturies, dende distintes árees y en diferentes momentos históricos, contribuyeron colos sos llogros a rozar el camín de la igualdá. “Ensin el so inconformismu y la so valentía nun sedría posible recuperar el papel activu que per sieglos se-yos negó a les muyeres na sociedá” reivindica el llibru Asturianes, con testos d’Alicia Álvarez y les ilustraciones de María Ortiz.
Esti miércoles presentáronse nel Manglar d´Uviéu les hestories “d’estes asturianes que participaron de manera fundamental na construcción de la nuestra historia”.
