Nacho Vegas, nel programa ‘Cuadros Cantados’ del Muséu de Belles Artes

La pinacoteca súmase un añu más a la cellebración del Día Internacional de los Museos con una programación especial.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

El músicu y escritor xixonés Nacho Vegas va participar nel programa ‘Cuadros Cantados’ del Muséu de Belles Artes d’Asturies el prósimu sábadu, 18 de mayu, Día Internacional de los Museos.

El Muséu de Belles Artes d’Asturies súmase un añu más a la cellebración del Día Internacional de los Museos con una programación especial que va desendolcase los díes 17, 18 y 19 de mayu y que va ufrir actividáes pa tolos públicos.

Amás de talleres pa la reciella, adultos y families, esti añu la pinacoteca retoma’l so programa ‘Cuadros Cantados’ que, na so sesta edición, va cuntar cola presencia del artista Nacho Vegas, quien va tocar dalgunes canciones nun formatu íntimu.

‘Cuadros Cantados’ ye un programa orixinal del Muséu de Belles Artes d’Asturies al traviés del que la pinacoteca invita a un músicu a averase na so colleición col envís de qu’esti interprete cola so música dalgunes de les sos obres.

Igor Paskual, Pablo Moro, Rodrigo Cuevas, Marisa Valle Roso y Rita Ojanguren fueron los artistes que participaron nes anteriores ediciones, enllenando de música les sales del muséu asturianu

Actualidad