Vuelve a Llugones ‘Jamaican Oldies’, cita obligada pa les amantes del reggae

Esta vegada, l’eventu va cuntar coles escoyetes musicales de Ritxi Skatalite y d’Ima Suber, llegaos dende Donosti y Gasteiz.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

Vuelve’l ritmu reggae a Llugones de la manu de L’Economatu Discos y Ximiélgalo, el radio show ‘que ximielga cadriles y conciencies’, dempués de la bona acoyía que tuvo, va unos meses, la escoyeta musical de Ronald Koeman na primera entrega d’un ‘Jamaican Oldies’ que ta asentándose yá como cita obligada n’Asturies.

Esta vegada, a partir de les 19 hores del sábado 15 de xunu, la tienda online y el radio show van aconceyar cinco hores de bona música llegada dende Xamaica pero con escala n’Euskadi. Ritxi Skatalite, dende Donosti, va tar a los platos xunto con Ima Suber, la metá de The Namesakes, que va actuar per primera vegada n’Asturies y vien de Gasteiz.

Igual que na primera edición de ‘Jamaican Oldies’, l’eventu ufre, amás de la música, bona xinta y cerveza artesanal apurrida por Cotoya, la cervecera asturiana que presenta esti xunu, en barril, una nueva english pale ale, y, en botella, ‘La muerte prieta de les palmeres pol cocu coloráu’, una stout col 49% de centenu na so elaboración.

Na mesma fábrica de Cotoya, en Puente Nora (Llugones), Asturies fáese internacional con Ximiélgalo y L’Economatu. Les entrades, que pueden mercase n’ entradium.com, cuesten 7€ con consumición d’una pinta de cerveza incluyía.

Actualidad