Batel, Disex, Izquierda Revolucionaria, CNT Xixón, Libres y Combativas y Sindicato de Estudiantes conformen la Plataforma Arguyu Críticu, que defende un movimientu LGTBI amestáu a les lluches de clase, antirracistas y antiimperialistas.
Esti vienres la plataforma manifestose nes cais d´Uviéu coincidiendo col Día del Orgullo LGTBI. Les 6 de La Suiza y Palestina tuvieron muy presentes nos discursos del movimientu.
Los llamaos Arguyos Críticos, surdieron na periferia del movimientu LGTBI como reacción a la institucionalización del Día Internacional del Arguyu LGTBI. Lleven años celebrándose en tol mundu pa reivindicar l’espíritu de la revuelta de Stonewall un 28 de xunu de 1969.
