L’asociación senderista LGTBI+ Faciendo Camín tien nueva xunta directiva

Güei cúmplense 45 años del asesinatu de Rambal, al qu’esti grupu de montaña va homenaxar con un buzón de cumes

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

El grupu LGTBI+ de senderismu y actividaes deportives Faciendo Camín celebró esti sábadu la so asamblea xeneral, na que los socios y socies decidieron remocicar la xunta directiva, que va tar presidida por David Casal, con Borja Calzón como vicepresidente. Esti grupu tien previsto llevar a cau en feches próximes una ascensión a una montaña asturiana pa colocar un buzón de cumes cola forma del llavaderu vieyu de Cimavilla como homenaxe a Alberto Alonso Blanco Rambal, personaxe mui popular y queríu nel barriu altu de Xixón que foi asesináu’l 19 d’abril de 1976, va xusto 45 años.

La nueva xunta directiva (de la que tamién formen parte’l secretariu Luis Rivera, el tesoreru Víctor Aguado y los vocales Juan Álvarez y David del Egido) muestra’l so compromisu de “siguir trabayando nun proyectu tan ilusionante como ye Faciendo Camín. La nueva etapa va afitase sobre una serie de pilares que tienen como caberu oxetivu la defensa de los derechos de les persones LGTBI+, asina como da-yos visibilidá nel deporte, tanto nos medios de comunicación como nes redes sociales”. Añaden que “entamamos esta nueva etapa enllenos d’ilusión y ganes de trabayar” pa poder avanzar “hacia una sociedá más xusta, igualitaria y tolerante”.

Faciendo Camín nació va cuasi un añu col propósitu de promover la práctica del deporte ente gais y llesbianes, “asina como normalizar el fechu homosexual a traviés del deporte”. Aclaren que “ello nun quier dicir que solo gais y llesbianes puedan tomar parte nes actividaes organizaes por Faciendo Camín, que tán abiertes a tol que tea interesáu”. L’asociación yá tien alredor de setenta socies y socies, y nesa masa social, acordies col espíritu inclusivu del colectivu, tamién hai persones heterosexuales.

La Vega Pociellu, nel Parque Natural de Redes, y la Vega d’Orandi, en Picos d’Europa, fueron el destín de les dos últimes travesíes de montaña, llevaes a cau en marzu y ayeri, respectivamente.

- Publicidad -spot_img

Actualidad

Dejar respuesta

Please enter your comment!
Please enter your name here