Xandru Martino y Pilar Rubiera, nuevos miembros de l’Academia de la Llingua

L’acoyida al escritor ribeseyanu y a la periodista uvieína va facese’l 7 de mayu, nel actu del Día de les Lletres

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

L’Academia de la Llingua Asturiana (ALLA) fizo público güei’l nomamientu del escritor ribeseyanu Xandru Martino Ruz como nuevu académicu correspondiente y de la periodista uvieína Pilar Rubiera Alonso como nueva académica d’honor. L’acoyida institucional a dambos va facese nel Día de les Lletres Asturianes, el 7 de mayu a les doce hores nel Teatru Campoamor d’Uviéu, nun actu restrinxíu poles condiciones qu’impón l’andanciu del COVID-19.

L’Academia destaca de Xandru Martino, profesor y escritor n’asturianu que publicó va unos meses la novela Nuun (Delallama, 2020), “les sos aportaciones en cuantes a la narrativa y tien, amás, el perfil d’investigador, sobro too no que cinca a les adautaciones funcionales del léxicu del asturianu”. De Pilar Rubiera, que fuera redactora y xefa de la sección de Sociedá y Cultura nel diariu La Nueva España, la institución académica diz que “ye periodista con una llarga trayeutoria na prensa escrita y vien destacando, nes décades caberes, polos sos trabayos en rellación cola información cultural y, especialmente, polo que tien que ver cola dinámica social arreyada a la llingua asturiana. Arriendes d’ello fai un llabor de collaboración cola ALLA, de gran importancia pa la so proyeición pública”.

L’Academia de la Llingua Asturiana, que preside’l profesor universitariu Xosé Antón González Riaño, tresllada “les sos más fondes felicitaciones, tanto a Xandru Martino como a Pilar Rubiera, y enfótase en que’l so llabor siga siendo el meyor encontu pa la dignificación de la llingua asturiana”.

- Publicidad -spot_img

Actualidad

Dejar respuesta

Please enter your comment!
Please enter your name here