Mediu centenar de llibreríes súmense al Día del Llibru Asturianu

El preciu de los llibros y discos n'asturianu va tener güei un descuentu del 10% en toes elles

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

Cuasi mediu centenar de llibreríes, cafés-llibreríes y tiendes de discos de toa Asturies súmense al Día del Llibru Asturianu, que se celebra güei. En toes elles va aplicase nesta xornada un descuentu del 10% na compra de llibros o discos n’asturianu, col regalu amás del volume Pruebes d’autor. Les siete vides de Nel Amaro, llibro qu’edita la Conseyería de Cultura, Política Llingüística y Turismu pa conmemorar esta 42 Selmana de les Lletres Asturianes. En delles llibreríes del noroccidente va regalase, pola compra de llibros o discos, l’antoloxía ilustrada Al aveiro d’un trabatel. Úa escoyeta de poesía contemporánea de gallego-asturiano.

Los actos programaos pa esta Selmana de les Lletres Asturianes dedicada al escritor y artista mierense Nel Amaro (1946-2011) van rematar esti vienres en Llaboral Centru d’Arte, en Xixón, onde a les seis y media de la tarde va tener llugar la sesta edición d’Entaína a escribir, concursu de microrrellatos improvisaos n’asturianu pa xente mozo.

Actualidad

Dejar respuesta

Please enter your comment!
Please enter your name here