La Carbayera d’El Tragamón, na parroquia xixonesa de Cabueñes, foi l’escenariu esti sábadu, día 22, a les doce del mediudía, d’un actu de música y ciencia que llevó por títulu “Biodiversidá, vida y salú pal planeta. Nin un grau más, nin una especie menos”. Participaron nél los profesores universitarios y investigadores Ricardo Anadón y José Luis Acuña, y el gaiteru Santi Caleya. Esti alcuentru tuvo organizáu por Asturies pol Clima, una alianza qu’atropa a numberoses organizaciones y colectivos asturianos que lluchen por un futuru ecolóxicu.
