Verdes Equo Asturies valora l’anunciu de la descarbonización d’Arcelor en Xixón

El partíu ecoloxista considera que la inversión pa reducir a la metá les emisiones "ye una bona noticia pal emplegu, la salú de les y los asturianos y la llucha contra'l cambiu climáticu"

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

Verdes Equo Asturies manifiesta la so “satisfacción” pol anunciu de la inversión pa la descarbonización de la factoría de Xixón que ficieron representantes d’Arcelor y del Gobiernu español esta selmana n’Asturies. El partíu ecoloxista considera que la inversión de mil millones d’euros pa reducir a la metá les emisiones de CO2 de la multinacional siderúrxica “ye una bona noticia pal emplegu, la salú de les y los asturianos y la llucha contra’l cambiu climáticu”.

Ello va na llinia de los oxetivos de la UE de reducir el 55% de les emisiones pal añu 2030 y algamar la neutralidá climática en 2050. Sicasí, “vemos, una vez más, que la Llei de Cambiu Climáticu española, aprobada va poco, nació vieya”, llamenta Verdes Equo Asturies, que recuerda que “la transición ecolóxica, elementu fundamental del Pactu Verde Europeu, va requerir disponer de gran cantidá d’aceru”. Los Verdes Europeos defenden la puesta en marcha de midíes “de defensa comercial pa protexer a la industria siderúrxica del continente delantre de práctiques comerciales fraudulentes de países de fuera de la UE”.

D’otra parte, el partíu verde amuesa la so prevención delantre del orixe del hidróxenu que se va utilizar nel nuevu fornu d’arcu eléctricu. na so opinión, qu’Enagás, “xestora de la regasificadora d’El Musel, declarada illegal a resultes de la nuesa denuncia, lidere’l consorciu que va suministrar l’hidróxenu procedente de fontes anovables, nun nos da mucnha confianza”. Camenta que la implantación de les enerxíes anovables “ha de ser socialmente aceptada, ambientalmente sostenible y territorialmente provechosa pa toes y toos”.

Actualidad

Dejar respuesta

Please enter your comment!
Please enter your name here