El Centru Social Autoxestionáu L’Apiaderu, d’El Remediu (Nava), programó delles actividaes culturales y sociales pa esti mes de setiembre. Esti vienres, día 10, va tener llugar a les siete de la tarde la presentación del llibru La ciudad agropolitana. La aldea cosmopolita (KRK, 2019), del xeólogu y ensayista piloñes Jaime Izquierdo. El domingu va tener llugar una marcha popular al Pozu Funeres.
Pa la selmana qu’entra hai previstu un conciertu del cantautor Alvarito, el sábadu 18 a la una de la tarde, y la presentación del mercaín Espaciu de Trueque, el domingu 19 a la mesma hora. El sábadu 25 va llevase a cau, a les nueche de la nueche, la representación de la obra teatral contra la violencia machista Mordiendo la verdá, d’Alba Gil.
