La Xunta pola Defensa de la Llingua Asturiana esixe a la FSA que ponga enriba la mesa una propuesta d´Estatu

La organización fai un llamáu a la responsabilidá del Gobiernu asturianu: "Tovía nun se conoz propuesta nenguna".

Recomendados

Nicolás Bardio
Nicolás Bardio
Es politólogo, escritor y creador de juegos de rol.

La Xunta pola Defensa de la Llingua Asturiana, una de les dos grandes organizaciones pola defensa del idioma qu’esisten y la qu’entamó la manifestación pola oficialidá del asturianu el 16 d’ochobre pasáu, esixe al PSOE que ponga enriba la mesa una propuesta de reforma d’estatutu.

La organización pola defensa del idioma insiste en que’l PSOE ye l’únicu partíu que tien la capacidá llegal de facer una propuesta de reforma del estatutu pos, pa poder facela, faen falta o 11 diputaos (namás el PSOE tien esta cifra) o una propuesta del gobiernu autonómicu, que tamién ye del PSOE.

Sicasí, la Xunta pola Defensa de la Llingua Asturiana sorraya’l fechu de qu’entá nun hai nenguna propuesta concreta nin d’estatutu d’autonomía, nin, tampoco, de redaición del artículu de la oficialidá. Señalen dende la organización que güei “a 12 de payares del 2021, cuando empiecen a acurtiase los plazos d’esta llexislatura, tovía nun se conoz propuesta nenguna”. Amás, llamenten que lo único que se conozan seyan les condiciones pero, “Condiciones ¿pa qué?” entrúguense.

La XPDLL refuga la mayoría reforzada de 3/5

La Xunta pola Defensa de la Llingua Asturiana solliña tamién que la propuesta de facer que la llei de normalización namás pueda modificase o aprobase por 3/5 supón dar “capacidá de vetu pa cualquier política llingüística a una minoría de 19 diputaos contra una mayoría de 26” amás de quita-y “a cualquier futuru gobiernu la capacidá y la responsabilidá de proponer meyores y adautaciones a la llei”.

La Xunta pola Defensa de la Llingua Asturiana anecia nel fechu de que, anguaño, entá nun se sabe si hai 27 diputaos a favor de la reforma, menos o más. La organización tamién llamenta que ye llamentable “que tengamos que siguir movilizándonos pa llograr los nuestros derechos” y fai un llamáu a la responsabilidá del Gobiernu asturianu y de la FSA y a los demás grupos parllamentarios pa que solucionen esti problema lo primero posible.

Actualidad

Dejar respuesta

Please enter your comment!
Please enter your name here