FICX y XEGA creen el Premiu Rambal al Meyor Audiovisual LGTBI

El premiu quier distinguir a la meyor película del FICX d’esta temática y ser un encontu de la visibilización de la diversidá.

Recomendados

Nicolás Bardio
Nicolás Bardio
Es politólogo, escritor y creador de juegos de rol.

El Festival Internacional de Cine de Xixón y l’asociación de referencia n’Asturies en defensa del coleutivu LGTBI, XEGA, tán acabantes de presentar la que va ser la primer edición del Premiu Rambal, col que’l festival quier distinguir a les meyores películes de temática LGTBI. El Premiu, que lleva’l nome del conocíu activista xixonés polos drechos LGTBI Alberto Alonso Blanco “Rambal”, va sirvir como gallardón pa reconocer les obres de temática LGTBI que contribuyan, amás d’a da-y “visibilidá y autoafirmación” al coleutivu LGTBI, a afalar la diversidá y la proteición de los drechos humanos.

Les temátiques LGTBI tán cada vuelta más presentes nel cine y yera una cuestión de tiempu que surdiere un gallardón d’estes carauterístiques pa premiar a les meyores obres que reflexaren la la diversidá na que vivimos dende un puntu de vista tresformador. El FICX quier qu’esti premiu valga pa “ufiertar un cine independiente y  inclusivu, atentu a la diversidá d’identidaes y esperiencies”. A él van poder optar toles películes que formen parte de la programación del FICX.

Nesta última edición, la 59, el FICX incorpora un total de cinco películes de temática LGTBI nes que, como ye d’esperar, predominen los títulos europeos y occidentales, anque van abriéndose pasu ente pasu, estes temátiques n’otros países onde la situación pa la comunidá LGTBI ye enforma más dura. D’esti mou, nesta edición van poder vese películes como Neptune Frost (Estaos Xuníos, Ruanda) de Saul Williams y Anisia Uzeyman; Moneyboys (Austria, Francia, Taiwán, Bélxica) de C. B. Yi; Toubab (Alemaña) de Florian Dietrich; Magaluf Ghost Town (España) de Miguel Ángel Blanca; y La fracture (Francia) de Catherine Corsini.

Actualidad

Dejar respuesta

Please enter your comment!
Please enter your name here