Podemos queda solu defendiendo la oficialidá

Una Proposición Non de Llei de la formación morada p’afalar al gobiernu a reformar l’estatutu atopa’l refugu de PSOE, PP, Ciudadanos, IU, Foro y Vox.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

El grupu parllamentariu de Podemos na Xunta Xeneral quedó solu güei sofitando la so iniciativa d’afalar al Gobiernu autonómicu a impulsar una reforma del Estatutu d’Autonomía que contemplare, ente otres coses, la cooficialidá del asturianu y del gallego-asturiano.

La propuesta de la formación morada rechazáronla tanto PP, Ciudadanos y Vox, grupos que refuguen la oficialidá, como PSOE y IU, que sí la sofiten, y por Foro, la formación clave pa que s’algamen los 27 escaños necesarios p’aprobar la reforma estatutaria y que condicionó’l so sofitu a esta midida a l’adopción de midíes rellatives a la fiscalidá.


Depués de cinco meses de conversaciones ente PSOE, Podemos, IU y Foro, el Gobiernu suspendió la negociación y aparcó la reforma hasta la prósima llexislatura, a la espera de que’l resultáu de les eleiciones autonómiques de 2023 configure un parllamentu nel que más de les tres quintes partes de los diputaos seyan favoratibles a la oficialidá.

Poco más d’un mes depués, Podemos dio tresllau al plenu de la Cámara d’una iniciativa pa retomar esi alderique primero de qu’acabe la llexislatura, col oxetivu, según el so voceru Rafa Palacios, d’incorporar al actual Estatutu d’Autonomía, aprobáu va cuarenta años, demandes contemporánees de la sociedá asturiana pente les qu’incluyó la oficialidá.

Pa la socialista Noelía Macías, la propuesta de Podemos yera “extemporánea” depués de que nel últimu tramu de les conversaciones plantegaren el desbolquéu al traviés d’una reforma fiscal que “contentó a la derecha” y depués de solliñar que nun hai una mayoría de 27 votos necesaria, aseguró que’l so partíu ta a favor de la oficialidá “ensin pone-y un preciu”.

Dende’l PP, el secretariu xeneral, Álvaro Queipo, alvirtió al voceru moráu de que na vida nu ye malo ser neciu, pero que “lo imperdonable ye nun querer dexar de selo” y entrugóse si Podemos sigue con ganes de que’l Gobiernu d’Adrián Barbón “los engañe otra vuelta” tres d’abrir un alderique que según él “xenera enfrentamientu ente los asturianos” y facelo a puerta zarrada.

Pa Sergio García, de Ciudadanos, IU, Foro y Podemos “fueron a por llana y salieron tosquilaos” de la negociación col Gobiernu ensin que la formación morada se decate entá mientres que’l voceru de Foro, Adrián Pumares, recordó que la reforma estatutaria plantegóse “d’aquella manera” sobre la base de documentos “que nunca tuvieron enriba la mesa” y d’otros “que se tapecieron pa depués emplegalos de manera torticera”.

Ángela Vallina, d’IU, coincidió col PSOE en que la mayoría necesaria pa reformar l’Estatutu nun esiste anque ta convencida de que nel futuru va habela, en cuantes que’l PP asuma’l criteriu del so nuevu presidente, Álvaro Nuñez Feijóo, sobre’l “billingüismu cordial” y el respetu a la pluralidá llingüística d’España.

El diputáu d’estrema derecha, Ignacio Blanco, manifestóse tamién contrariu a la proposición d’oficialidá que’l so partíu lleva atacando con valles homófobes y señalando al diputáu de Foro, Adrián Pumares, amás de con una organización satélite contraria a la oficialidá cola que recueye firmes.

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí