La Casa de Cultura de Llanes enllénase col traxe tradicional

La colección Javier Emperador apuerta a la villa llanisca dende'l Muséu del Pueblu d'Asturies

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

Un conveniu ente’l Conceyu de Llanes, l’Asociación de Amigos de la Indumentaria Tradicional y la colección Javier Emperador permite qu’una interesante esposición sobre la indumentaria tradicional s’inaugure’l xueves 18 de mayu en la Casa de Cultura de la villa llanisca.

La esposición, titulada «Indumentaria tradicional del Oriente de Asturias… Por la pinta son de Llanes» abre en coincidencia col Día Internacional de los Museos y llega dende’l Muséu del Pueblu d’Asturies, onde tuvo espuesta dende’l xunu pasáu. La colección va tar en Llanes alredor de 4 años, y nesi tiempu va siguir viviendo’l procesu de comisariáu y desarrollu, cola ayuda de xente como la estudiosa de la indumentaria Gloria Roza Cuesta o’l xoyeru Ricardo Corcuera.

El mesmu Javier Emperador va facer un percorríu pela esposición nos próximos díes, en fecha que ta tovía por determinar, esplicando les característiques concretes de la muestra.

L’horariu de la Casa de Cultura de Llanes ye de 17.30 a 21 hores, de martes a vienres, y de 11 a 13 y de 17 a 21 hores los domingos.

Cola ayuda del Gobiernu del Principáu d'Asturies.

 

Actualidad