Axuntar demanda al Principáu pola denominación de “eonaviego”

La asociación para la normalización del gallegu d'Asturies presentó una demanda contenciosu alministrativa énte'l Tribunal Superior de Xusticia.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

Axuntar, asociación para la normalización del gallegu d’Asturies, presentó una demanda contenciosu alministrativa énte’l Tribunal Superior de Xusticia de la comunidá na que pide que s’impugne’l decretu que’l pasáu mes de marzu afitó la estructura orgánica básica de la Conseyería de Cultura, Política Llingüística y Deporte.

Según señala esta asociación nun comunicáu, el gobiernu autonómicu oculta en dichu decreto’l nome llegal de “gallego-asturianu” que ye sustituyíu en tolos casos pola denominación alegal de “eonaviego”, que nun apaez na Llei d’Usu y Promoción del Asturianu de 1998, anguaño vixente.

Axuntar considera que’l cambiu de nomenclatura que pretende consumar de facto el Gobiernu del Principáu tien como oxetivu la invisibilización pa la ciudadanía de la filiación gallegu-portuguesa de la llingua galega d’Asturies, “daqué que se fai vulnerando la denominación llegal d’esa llingua, aprobada pola Xunta Xeneral del Principáu”.

Pa esta organización, el gobiernu asturianu tien d’abandonar l’antemanáu usu de “eo-naviegu” per parte de l’alministración autonómica, respetar la llexislación vixente y siguir usando’l términu llegal de gallegu asturianu”.

Axuntar defiende l’usu de “gallegu d’Asturies” pa referise a la variedá llingüística del gallegu que se fala na zona occidental d’Asturies, por considerar que ye la forma más correcta, mesmu dende’l puntu de vista xurídicu como del rigor científicu

Actualidad