La campaña #SOSCampesináu reclama a los ayuntamientos reactivar los mercaos locales

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

El vienres 17 d’abril celébrase’l Día Internacional de les Lluches Campesines, una fecha que colectivos sociales, consumidores y pequeñes productores aprovechen pa llanzar la campaña #SOScampesináu n’Asturies. Con esta iniciativa, demándase a los Conceyos reactivar los mercaos locales y apoyar la producción y distribución d’alimentos de cercanía. La reivindicación fáese tres comprobar que na crisis actual “la producción a pequeña escala y l’agricultura familiar campesina nun tán siendo consideraes como había ser”. Nesti sen, los colectivos alvierten de que “si siguimos asina, esta crisis pue afectar gravemente a la producción local d’alimentos y la producción a pequeña escala n’Asturies pue desapaecer”.

La iniciativa enmárcase na campaña que yá ta en marcha a nivel estatal y na que más de 600 organizaciones pidieron por carta a los ministerios d’Agricultura, Sanidá y Consumu midíes urxentes p’amenorgar l’impactu económicu nos sectores agrícoles y ganaderu que ta teniendo la crisis desencadenada pol COVID19 y l’estáu d’alarma decretáu. La petición n’Asturies yá se treslladó a la Conseyería d’Agricultura, según informen los colectivos, “y énte la falta de respuesta, el siguiente pasu ye comunicase colos Conceyos y informar a tola población de la situación que vive’l sector y de les midíes que necesita nestos momentos”.

“Si siguimos asina, esta crisis pue afectar gravemente a la producción local d’alimentos y la producción a pequeña escala n’Asturies pue desapaecer”

Asina, los colectivos de consumidores y productores demanden a los Conceyos que busquen soluciones p’autorizar los mercaos non sedentarios de proximidá n’espacios con accesu controláu, regulando les condiciones d’hixene y seguridá sanitaria col oxetivu d’ameyorar el derechu a l’alimentación y a una nutrición afayadiza a tola población pente estes canales. Na mesma llinia, remárcase la necesidá de que les entidaes locales apuesten pola compra pública d’alimentos de producción local nos espacios de restauración de competencia municipal y nos bancos de alimentos.

Tamién tienen muncho que dicir los conceyos a nivel fiscal y dende la campaña #SOScampesináu reivindícase que se contemplen midíes como la exención del pagu d’impuestos municipales a los y les pequeñes productores agroalimentaries, al entender que precisen del mesmu sofitu col que yá cuenten otros sectores clave énte la crisis orixinada pol COVID19.

Actualidad

Dejar respuesta

Please enter your comment!
Please enter your name here