Almitida la querella de Fiscalía contra los padres que nun escolarizaron a los sos fíos en Cangas

Recomendados

David Artime
David Artime
Periodista y escritor. En 2009, ganó el premio de narrativa en lengua asturiana de la editorial Trabe con la novela "La Bufanda", en la que aborda el mundo de los ultras de fútbol.

La xusticia siguirá coles dilixencies previes abiertes por mor de la querella presentada pola Fiscalía de Menores contra los padres de dos neños que nun escolarizaron a los sos fíos nel colexu de Rengos y nel IES de Cangas, por mieu a un posible contaxu de Covid.

Nun autu comunicáu esti miércoles el Xulgáu d’Instrucción númberu 1 de Cangas dictó que se continúen los trámites de la investigación por si los fechos “fueren constitutlvos d’un delitu contra los derechos y deberes familiares, na so modalidá d’abandonu de familia, y d’otru de desobediencia, referíos concretamente a los artículos 226 y 556.1 del Códigu Penal.

Los dos neños, alumnos de segundu d’ESO y de quintu de Primaria respectivamente, nun acudieron al sos centros dende qu’entamó’l cursu, nun siendo’l menor pa realizar un exame. L’autu señala que los padres presentaron dellos escritos nos que defendíen que les restricciones impuestes impidíen el normal desarrollu de les capacidaes cognitives y sociales, polo que consideraben que yera meyor que los sos fíos permanecieren en casa.

Actualidad

Dejar respuesta

Please enter your comment!
Please enter your name here