El gobiernu central presenta la “Cultura sidrera asturiana” como candidata a Patrimoniu Inmaterial de la UNESCO en 2022

El Ministeriu de Cultura da-y el preste a la candidatura asturiana y sorraya la importancia del vocabulariu n’asturianu que tien arreyada.

Recomendados

Nicolás Bardio
Nicolás Bardio
Es politólogo, escritor y creador de juegos de rol.

Tres d’un aconceyamientu del Conseyu de Patrimoniu convocáu pol Ministeriu de Cultura y Deporte, España va presentar la “Cultura Sidrera Asturiana” énte la UNESCO pa la so declaración como Patrimoniu Inmaterial de la Humanidá. L’espediente, que defendió’l Gobiernu del Principáu per aciu de los sos responsables de patrimoniu, solliña que la cultura sidrera asturiana ye’l “conxuntu de práutiques venceyaes a procesos de producción, distribución y consumu de sidra natural que los habitantes del territoriu asturianu desendolquen dende, polo menos l’Alta Edá Media”.

Amás, l’espediente fai énfasis en que “la riqueza cultural [de la cultura sidrera] espéyase nun vocabulariu específicu y orixinal en llingua asturiana” y qu’esti conxuntu de práutiques ye “un elementu identificador de lo asturiano” qu’“afala la formación y el refuerzu de rellaciones sociales que-y dan pertenencia y comunidá a la comunidá asturiana

Amás de la propuesta de tresmitir a la UNESCO la declaración de la cultura sidrera asturiana como patrimoniu de la Humanidá, el Conseyu de Patrimoniu del Ministeriu de Cultura estudió otros espedientes como la “jota aragonesa”, o garró determinos sobre pieces d’arte como “Cabeza de Muyer” de Pablo Picasso, que se quier esponer nel Muséu Nacional Centru d’Arte Reina Sofía.

Actualidad

Dejar respuesta

Please enter your comment!
Please enter your name here